【Sheree超靚女】黎瑞恩曬囡囡童年照：唔想佢咁快大

黎瑞恩（小恩子）向來都非常愛錫囡囡曾凱栭（Sheree）。

之前佢就送咗囡囡去澳洲讀書，就算萬般不捨，為咗訓練女兒可以獨立同埋見識多啲，都係值得嘅。

日前係曾凱栭嘅14歲生日，向來愛錫女兒嘅小恩子喺社交網上載多張囡囡細個到依家嘅相。

留言話：「今日我嘅寶貝生日好感觸呀，好似時間過得好快咁，又希望佢可以快d長大獨立，那邊廂又唔想佢咁快大，好矛盾呀，不過可以14年同你一齊成長一齊學習係我嘅福氣Sheree Happy Birthday！」

嘩！字裏行間都感受到小恩子對女兒嘅愛。

相中仲見到曾凱栭愈大愈靚，絕對係遺傳咗小恩子嘅優良基因，唔少網友都留言送上祝福。