現身在吉隆坡拍攝網劇的蔡卓妍（阿Sa）同關智斌（Kenny）今日就忽然上載「走佬」相，表示接到劇組通知要即時轉去下一個拍攝地，點知就搞到「倒瀉籮蟹」。
阿Sa就自爆用1個鐘時間沖涼同執行李，正因為趕住漏夜走，大家都沒有時間好好整理，搞到個個行李都「多咗」一倍，眾人去到目的地已經凌晨4點半，阿Sa更說因為慣了早班而搞到失眠！
不過，她當然都有做足個人衞生，話最近洗手的次數是她人生之冠，更洗到隻手有少少甩皮：「不過洗手真係好緊要，健康緊要過靚，大家都唔好鬆懈💪🏻，保護好自己就是保護別人，加油🥰」
而本身打算可以收工鬆一鬆的Kenny，就話自己已經開埋《李屍朝鮮》準備煲劇，點知一轉頭就收到通知要匆忙收拾行裝，連他自己都笑言是「午夜狂斌」！
至於為何所有事都突然變得趕急，其實都是因為吉隆坡疫情日趨嚴重，為安全起見，所以劇組提早轉到下一個拍攝埸地。無論如何，健康乃為大事啊！走到當然要走啦！
(綜合報導)
