荷里活男星湯漢斯（Tom Hanks）上周宣布於澳洲拍攝貓王傳記片時，與妻子麗達韋遜（Rita Wilson）確診新冠肺炎，他們於黃金海岸醫院接受隔離後，現已出院，於澳洲寓所自我隔離。
湯漢斯兒子Chet於社交網站拍片，證實父母已出院，表示：「佢哋已經出院，依家自我隔離緊，好明顯，但已經好轉好多。所以都放心咗。我想同所有有親愛嘅人或者自己確診嘅人講，我會為大家祈禱，因為好多我父母以外嘅人都受緊苦。」
之後，湯漢斯亦有於社交網站更新上載一張食物照片，其中是兩塊塗滿澳洲特產酵母醬（Vegemite）的多士，旁邊放著一隻袋鼠公仔。他留言多謝當地醫護：「多謝醫護。大家要照顧好自己同身邊人。」
照片引起網友熱議，有人認為湯漢斯將太多酵母醬塗上多士。湯漢斯兒子Colin亦在社交網站Twitter留言抽水：「我已經同佢講咗好多年，佢喺一塊多士上面加太多啦。」
(綜合報導)
