新冠肺炎大肆爆發，令不少名人都紛紛出錢出力，齊齊救港。
大家都落力幫助香港基層市民抗疫，又送口罩及防疫物資。而近日霍啟剛太太郭晶晶都有加入送暖行列，以聯合國兒童基金香港委員會（UNICEF HK）大使身份，加入義工團隊，協助處理抗疫物資，見她落手落腳包口罩，又切番梘，非常落力。
郭晶晶表示最擔心小朋友的健康，她說：「在這次疫情裏面，我最擔心嘅其實係小朋友嘅健康。因為我們大人知道有乜嘢要注意，但係小朋友有時候就唔係好清楚點樣去做。我希望教導小朋友點樣去保護自己、點樣去注意衞生。我覺得香港有好多有善心嘅人，踴躍捐咗很多嘢，我都想為我哋嘅城市出一分力，同UNICEF HK嘅義工一齊處理抗疫物資，送畀有需要嘅家庭同小朋友，好希望同大家一起共同做好抗疫工作。」
之後，晶晶表示會繼續隨義工隊「落區」探訪劏房戶進行家訪，現身解說正確的個人及家居衛生知識，希望能利用自己的微小力量教導市民大眾齊齊做好防疫。
(綜合報導)
