農夫成員陸永和太太Reina育有兩名女兒，分別是8歲的陸一穎（Hannah）及6歲的陸一心（Simsim），雖然話Reina平日落手落腳照顧2位女兒，但都需要家傭幫手。
不過，日前陸永太太就在社交網上載了細女Simsim喊到眼紅紅的照片，並且解釋道原來是陸永的家傭因為要返鄉結婚及生BB，令Simsim大感不捨，因而爆喊。
媽媽就留言表示：「姐姐要返菲律賓結婚生BB，Simsim喊咗好多日，好唔捨得佢走。本來姐姐聽日就要走，遇着馬尼拉『封城』，所以可以同姐姐一齊多起碼一個月。」
但Simsim大喊還有另一個原因，原來她覺得外傭早走就可以早點結婚生BB，之後就可以早點重返陸家「重逢」，那樣Simsim就不用等外傭太耐，十分搞笑。有留言問陸太，外傭是否真的會返陸家打工，她回覆指外傭表示生B後會返，但亦有機會捨不得BB，如果返的話，一定會返陸家。
希望Simsim不要傷心太久啦，要明白姐姐都有自己的人生要過的~
(綜合報導)
