鄭俊弘媽媽朱詠珊等人最近以國語灌錄抗疫歌《明天更好》。由於之前亦有邀請鄭俊弘一起合唱，但因為對方太忙，所以最後由鄭媽媽代勞。
鄭媽媽說：「我平時唱開粵曲，我怕音唔準，所以要練習。」有否向兒子請教唱歌？她笑說：「冇呀，佢都好忙，又要拍劇，又要練歌，同埋因為佢哋TVB唱咗一首抗疫歌，所以唔可以重疊，所以阿媽代勞。」
對於囝囝鄭俊弘與何雁詩將於年尾舉行的婚禮，鄭媽媽對新抱仔讚不絕口：「人又靚，又乖，最緊要佢哋開心。」
她笑言仍未買嫁妝給新抱，坦言好煩惱：「而家啲金咁貴，都唔知點算，不過年尾，仲有時間。」問到疫情有否影響婚宴的進度？鄭媽媽說：「佢哋11月，我希望疫情一定一定要過晒，其實所有嘢都係新抱仔搞，我只係負責出席。」
奶奶對新抱何雁詩讚不絕口，看來婆媳關係非常好！中間人Fred以後不用擔心了！
（綜合報道）
