肥媽和陸浩明（6號）日前就去到大埔派口罩，其中肥媽Full Gear上陣，戴口罩、手套、黑超，心口還掛有空氣清新包，現場更有工作人員不停噴消毒酒精。
肥媽透露疫情下減少家庭聚會，但就好恨見剛出世的孫女：「係第16個孫，依家開廠見到好多人都驚，但無謂呢個時候抱，不知幾想搣吓佢！個仔話聽日帶BB嚟見，我都話唔好，佢出咗世淨係見過一面。」
不過，身旁6號又再次衰多口插咀說：「下次見BB可能佢讀緊大學。」
此話一出，即「驚動」肥媽：「啋過你呀！又講錯嘢！死人口、收吓口啦！疫情好快就過！好心你收吓把口！」禍從口出的6號頭耷耷兜說：「我係形容小朋友大得好快啫！」
最近社會上的情緒都比較緊張，難怪肥媽擔心6號又有公關災難，真的是謹慎點好~
(綜合報導)
