四位《學是學非》的是非精馮盈盈（FYY）、戴祖儀、陳詩欣和張寶兒到石籬二邨派口罩，戴祖儀因Call車司機地圖出錯，加上塞車而遲到十幾分鐘。
做慣學是學非的各人防疫措施做到足，全戴上口罩，FYY穿跣水外套，戴祖儀䵧手套，陳詩欣卻穿毛毛衫，笑言是錯誤示範，而剛做完激光矯視的她，就戴平光眼鏡「補飛」。
FYY說：「早幾日同後生仔成員及KOL去元州邨派口罩，我哋朝早派完，夜晚就收到隔籬幢大廈有人確診，絕對唔係我哋去嗰幢，我哋唔係密切接觸者，唔使家居隔離，同埋當日做足防疫戴口罩、眼鏡和手套，清潔得好乾淨嘅，所以大家唔使擔心。」
她深信做善事不會受到任何傷害，故好放心，會繼續幫人；陳詩欣首次參予派口罩行動，見長者排隊辛苦，很是感動，戴祖儀說會快手派，不用長者等候咁辛苦，張寶兒則發現有長者配戴口罩方法不大正確，有感而發覺得應該多教育指導。
寶兒說：「之前去完日本旅行回港已過14天，覺得疫情係全球性，無論去到邊都要做好防疫，今次去唔係好買到口罩，入到店見到啲貨架都清晒。」
(綜合報導/oncc)
