停泊於日本橫濱堪稱「毒船」的郵輪「鑽石公主號」，困在船上的香港人，昨日起分批坐政府包機回港，森美父母原定昨晚登機，但因航班調至今天起飛，所以其雙親應可望在今天順利回港。
森美坦言仍擔心父母情況：「爸爸send咗張食物相嚟，話船上最後一餐，我提佢落船記得唔好擰返轉頭。」
預計包機今晚黃昏六點回港，森美指不會刻意接機或離遠見面，他笑言：「唔好搞到咁慘，最悲慘嗰十幾日過去咗，又唔知會點，返嚟安心啲，我哋講笑話，佢哋返嚟隔離，隔日買龍蝦、金華火腿、蛋糕畀佢哋。」若有需要會安排帶衣物替換，隔離後會否慶祝？
他說：「未知，應該會食餐飯慶祝，可能視像打邊爐囉！反而佢哋可能唔見我，因為經過28日隔離，可能乾淨過我，見唔見我，佢哋決定。」
他表示在船隔離時，自己一小時致電父母問檢疫結果，反過來母親安撫自己：「佢話冇事又行得，但最慘呢個病冇病徵，諗番覺得自己嚇番佢哋轉頭，唔想佢哋掉以輕心中招。」森美又指孫仔亦與兩老透過電話鼓勵對方。
（綜合報道）
