停泊在日本橫濱的「鑽石公主號」郵輪爆發新冠肺炎，港人確診人數不斷增加，而今日（19日）終於完成14天隔離期，船上約500名完成檢疫的乘客將可陸續落船，包括約20名港人，不過被困於船上的森美父母就未走得！
森美在今早的電台節目再更新父母情況，他透露因為檢疫報告還未出，所以兩人仍未能落船，但父母朋友的檢疫結果就呈陰性，令他都起碼「心安啲」，起碼緊密接觸者無事！
而父母都是靠留意香港新聞知道船上情況，反而在船上所得知的訊息不多！森美代父母重申，兩人都願意返港再隔離14日：「阿媽同我講『阿仔我哋冇話唔返香港，冇話唔肯隔離』，我話我哋冇咁講，我都叫你哋返嚟要隔離。」
不過，森美父母還大爆有部份仍周圍走，走出房同隔離房的人聊天！最後，森美叮囑上機返港的乘客一定要做好保護，並提醒父母在機上盡量不吃東西，避免脫下口罩有風險，因為現時就算檢驗結果呈陰性，都未能證明是100%安全。
(綜合報導)
