森美的父母早前出發旅遊，剛好乘坐了鑽石公主號，現時全船確診人數眾多，乘客為保安全都需要留在船上進行隔離，而其中就是包括了森美的父母。
森美指父母已被困在鑽石公主號超過十日，早前他表示心情都是抱着放鬆心態，但今早他主持商台節目《早霸王》時便表示開始有點擔心；
他說：「好似話最初通常4至5日就會見到病徵，雖然潛伏期有14日、20日，但通常冠狀病毒就4日左右見到，當我見到父母5、6日都無徵狀就安心啲，頭兩日我問得好仔細，之後就只係問佢哋悶唔悶，精唔精神。」
對於在船上情況，森美表示船公司會安排旅客隔日可以上甲板活動，不過他的父母只是上了一次，之後都決定避免接觸太多人而選擇留在房中，房中有消毒物品及口罩，他笑指父親竟然主動清潔房間，這是平日不會做的，可想而知他已經頗悶。
他說：「其實船上資訊係零，幾日有一封船長的信，但船上確診人數幾多係唔知，都係我將香港新聞Whatsapp佢哋，好彩而家資訊發達，不過都會有啲擔心，好似唔樂觀，可以潛伏十幾日。」
森美指仍未清楚船上的傳染源頭是甚麼，唯有隔離在房中，他說：「我有叫媽咪沖涼時用濕毛巾封下渠位，平日又要倒水落去，因為係中央冷氣出風，而家都叫父母喺房中戴口罩。初時職員送餐係無封，經要求後已經放入盒，水就無問題，係樽裝水，但就叫佢哋唔好同職員交談，因為之前有檢疫人員都確診，而餐具就要用滾水洗，不過我叫佢哋好似滾奶樽咁，煲五分鐘。」他指父母的測試報告仍未出，預計要兩日時間，希望一切無事。
他表示最重要是父母先離開郵輪，其他事也是次要，因為船上確診個案每日增加，再不落船便慢慢有被傳染可能。
他說：「作為仔，唔係我不孝，我情願佢哋返港後入隔離營，因為地球很危險，佢哋入住隔離營我會心安啲，因為嗰度安全，佢哋又測試咗無事，我媽咪話都係，但暫時未知結果，再睇下點再討論。」
(綜合報導)
