前港姐許芷熒於本月2日誕下囡囡，終於都能與期待已久的「馮寶寶」見面，不過因為疫情嚴峻的關係本來打算請陪月姐姐幫忙，但為大家的健康着想，最後都決定取消。
現時，她就專心在家坐月同湊女，日前於社交網上發長文，大晒幸福，又多謝老公及醫護人員的照顧；一向貪靚的她，表示為求與囡囡的第一張相可以靚靚示人，臨生產前植定眼睫毛並留言：「千年難得一見嘅日子 2020 0202 讓我把女兒帶到這個地球上，一個好好嘅Angel Number…我相信我女兒將來一定會好似一個天使咁快樂！我不強求她成為讀書最叻，事業最成功的人。我只希望她會是一個心地善良，快樂活潑，慷慨助人，富有同理心的女孩子。」
她又多謝老公的悉心照顧，拍片又影相：「拍咁多相片同video…為我同囡囡記錄所有咁值得記念同難忘嘅時刻。生BB嘅過程一直捉住我隻手，一隻手幫我拍片同影相，仲要一邊安慰我，仲要幫我抹眼淚，仲要一邊講笑氹我開心。You Are The Best Husband！我成日喺YouTube好鍾意睇人哋生BB嘅過程同紀錄片段，依家終於有我自己的，將來我會將D片剪得靚靚咁放上YouTube同大家分享我嘅生產過程，生產前後嘅精華片段。」
因為馮寶寶出生的時期剛好正值一個混亂的局面，所以許芷熒都在各方考慮之下都不想再請陪月姐姐了：「馮寶寶喺一個世界正面臨疫症嘅時候出世，其實喺佢出生之前，我都百感交集，好多擔心。直到佢出世之後，我同老公都決定陪月都唔請了，我哋兩公婆同心合力照顧BB。」
(綜合報導)
