近日忙於拍新劇《多功能老婆》的朱晨麗，日前趁空檔與陳山聰北上登台搵真銀，開騷前在後台無聊玩拍片，兩人搞笑地進行阿婆式熱身，氹得工作人員笑不停。
朱朱與山聰在後台搞鬼做熱身。
仲自拍「Fun」享！
曾與山聰同一經理人的朱朱表示久未合作：「山聰好玩得，同時佢又好知自己想要咩，好有毅力。
我今次專登買咗零食喺車度一齊食，但佢為新劇要Keep Fit，所以Cool爆咁拒絕咗我。」為今次登台，她特別請教同劇的楊千嬅唱歌技巧。
完騷後，朱朱急急腳趕返港，為母親慶祝生日：「好彩趕得切12點前返到屋企切個蛋糕！」朱朱同媽咪好似樣，連網民都分唔到！如果媽咪將眼鏡除掉，隨時無法分辨他們！
除埋眼鏡直頭分唔到！
朱晨麗
(綜合報道)
