藝人陳山聰、譚俊彥等於電視城錄影《娛樂大家10點半》。山聰與譚俊彥齊齊受訪，前者被拍得日前現身龍母廟「求子」，他解䆁因為媽媽同太太都鼠年都犯太歲，衹是去攝太歲而已。
他又透露目前因肺炎情全面停工，無論返工和跟太太都「冇工開」，直言「錫下都唔敢」，驚交叉感染。
在旁的譚俊彥即笑着接口：「使唔使教你貼士追仔？但唔信你唔識囉！拍《天命》嘅個個都有仔生，依家爭你咋，一定走唔甩，應該有好消息。」
山聰又指近日與太太躲在家中煲劇：「啱啱睇完木村拓哉新劇，依家轉煲玄彬嗰套，尋晚睇到三點幾先訓。（驚新冠肺炎唔敢生住？）隨緣啦，希望今年有好消息話到畀大家聽。」
（綜合報道）
