【香港小姐】資源雖有限但大家要團結！ 港姐冠軍黃嘉雯自掏口罩送暖

她寫道：「呢段時間除咗好努力訂口罩外，仲好多謝身邊好多朋友都無私咁雪中送炭，分享咗一些醫療用品畀我包括而家用錢都未必買到嘅口罩，甚至試過有朋友寄過嚟竟然到呢刻都未收到，從來未試過見到屋企有口罩會有一種感動同心安。知道呢段時間大家都好唔容易，我而家有大約100個散裝成人口罩可以捐出，如果大家唔介意的話，我可以入落密實袋寄畀大家，咁樣比分兩盒畀人更加幫到更多嘅人。因為我屋企都係用緊散裝，我希望有需要買唔到口罩嘅人都可以用住先，以解燃眉之急。見到好多老人家買唔到甚至一個口罩都用到起晒毛毛覺得好無助。」

她限量每人可以拎4個，希望老人家及醫護人員優先。

她之後亦有強調：「大家要加油，團結打好呢場疫戰！」

雖然自己都貨量不多，但仍然能夠由心幫助人，果然是真正的「香港小姐」。