新冠肺炎疫情嚴峻，現時一「罩」難求，吳若希（Jinny）與老公心痛老人家沒有口罩用，一家三口總動員出動，到佛堂派口罩及飯給在場約百位老人家。
Jinny透露每年新年都會與老公到佛堂派齋或禮物給獨居長者，今年因為老公見到很多獨居長者沒有口罩很慘，所以就來派口罩給他們，但為免引起混亂，故沒有公開此事，希望低調進行。
她透露口罩是老公捐出來：「因為貨量唔多，喺唔同渠道搵，買咗大約1,000個口罩捐出嚟畀長者。（搵口罩期間有冇遇到困難？）好彩其他朋友幫手搵，今次係啲藥房朋友成本價讓出嚟畀我哋。（花咗幾多錢買口罩？）近5位數。」
她指這段時間盡量不出街：「個女咁耐以嚟都係第一次出街，佢每日都喺屋企睇書。（有冇扭計要出街？）又冇，佢對出街唔係特別有興趣，同埋屋企有充裕嘅活動畀佢，之前買咗啲貼紙書畀佢學吓數學。」她又謂今次是第一次帶囡囡出來派飯，想教懂囡囡有能力的話，要幫助有需要的人。
雖然吳若希亦有透露之後有不少工作都因為疫情嚴重而被迫取消，不過始終都是健康要緊，先決都是解決當前問題，日後的事遲下再算。
(綜合報導)
