「黃昏夫婦」陳榮峻及吳香倫「夫妻檔」日前出外上陣齊齊派發口罩，二人表示口罩還有存貨：「有Fans喺外國寄咗兩盒口罩畀我哋，又有朋友去完旅行買畀我哋，不過都要同阿仔一齊用，要慳口罩都冇出街。（咪見唔到孫仔？）過年見咗，依家叫佢留喺屋企溫書。」
吳香倫笑言有已有兩日沒有出街，不過陳榮峻就話日日都有落街買餸：「街市多餸賣又平，冇貴到。（有搶廁紙？）使乜搶呢啲呀！（好似《愛．回家之開心速遞》嘅劇情，會建議監製用呢條橋？）會建議吓，哈哈！」
提扱到早前有臨時男演員於電視城內嘔吐，他們指過幾日都要拍《愛》，會做好防疫措施，戴口罩、手套、勤洗手、帶定消毒酒精紙巾：「公司都好注重衞生，每朝開廠前都會將個廠大消毒，之後先開廠，所以都唔擔心。（有工作人員唔舒服？）又冇。」
(綜合報導)
