武漢肺炎肆虐，本港都已有16宗確診個案，醫管局確認，1名39歲男病人早前於在瑪嘉烈醫院逝世，死者本身有長期病患，生前更住在黃埔花園，消息一出，亦令住在黃埔的居民人心惶惶。
其中包括剛剛再配一子的爸爸黃祥興，細仔才跟媽媽回家，一家五口現住在外母位於黃埔的屋企，為了方便太太坐月。豈料死者卻原來住在隔鄰屋苑，黃祥興為安全起見，要求家人留在家中，以確保安全。
他表示：「我住喺黃埔花園隔鄰，阿囡興趣班都停晒，我都擔心㗎，因為都唔知呢個病點樣，太太啱啱生咗bb，屋企仲有小朋友，一定要做足安全措施，可以嘅就唔出街，太太噚日先出院，佢都要唞吓。」
之後黃祥興補充說：「安全起見，費事出去惹埋啲菌返嚟。有次帶仔女去醫院探bb，醫院更加危險，之後冇再去啦。自己喺屋企做住老師，幫佢哋溫習，搵啲遊戲畀佢哋玩吓。黃埔單嘢啱啱公佈，好多朋友想上嚟探BB，我都叫佢哋唔好嚟，經過黃埔範圍都擔心，希望快啲有好消息出現。」
他坦言沒有什麼必要都不建議外出，以免惹到不知名的細菌，並會叮囑家人一定要做好安全措拖，且表示因為自己仍需返回TVB開工，不過回到家都立刻清潔才會與子女同玩；有幸有朋友於法國幫他幫口罩，而亦有為工人姐姐提供消毒藥水和口罩，希望大家都不要生病，好好保護自己。
(綜合報導)
