武漢肺炎持續惡化，相信不少人的活動都因而延期、甚至取消。亦有不少藝人為避「炎」兼慳口罩，選擇足不出戶「自我隔離」。
育有一女Abigail（Abi）的陳柏宇就把握親子時光，與女兒同坐在沙發上與Abi一齊看電視同唱歌，Abi一聽到爸爸開金口還立刻跟住拍子拍手，果然是最忠實的粉絲！
太太符曉薇（Leanne）都有曬旅行舊相，留言話：「成個新年基本上淨係留喺屋企，再係咁會唔會發霉，依家只可以Post舊相。」
不過，他們全家最後就決定留在家中煲韓劇，更是追看由玄彬同孫藝珍主演的《愛的迫降》；不過竟然意外被Abi大爆Leanne「出軌」？
皆因每逢有玄彬的鏡頭，Abi都會指住大叫「爸爸」，有「男神」做「老公」，氹到Leanne不知幾開心﹗
作為「正印」陳柏宇為力挽太太的芳心，一於有樣學樣，重演玄彬從後抱住孫藝珍的經典畫面，一次過攬實Leanne兼Abi，不過這個既浪漫又溫馨的畫面一瞬即逝，因為他忍不住放出臭屁，臨尾香呀！
(綜合報導)
