歌手吳若希（Jinny）曾多次公開大數老公Alex不是，早前更曾被命理師叮囑注意「夫妻宮」，鼠年可能會婚變！
最近她就在TVB節目《姊妹淘》中，自認瘋狂！
Jinny自爆當時與男友（即老公Alex）曾經分開過一段時間，不久就上對方屋企時，發覺換了密碼鎖：「即係擺到明要隔開我啦，以後諗住唔見我啦？」Jinny於是找開鎖佬爆門，她透露因為確實曾經在哪兒住過，保安又認得自己，所以當時稱把鎖有問題，成功叫師傅爆鎖！
這樣還不算瘋狂，Jinny入屋後竟然打爛大部分的東西：「包括電視啦！魚缸啦！花樽啦！床啦…」
言論一出，嚇到身邊的主持蔡嘉欣、張寶兒及嘉賓黃嘉樂O晒嘴！
當被問到點樣同Alex和好時，Jinny就笑言：「和好唔到㗎，所以我好憎佢㗎依家！哈哈哈～」她又好享受現時2人「一個願打、一個願捱」的關係，覺得鬧交可以增進感情，旁邊的嘉樂就笑言：「我又Buy佢呢樣嘢，佢又唔係真係變態嘅，誇張咗啫！」
又話鬧完交一定是自己向對方先道歉：「因為我好愛我另一半！」個個都大讚好Sweet呀！
（綜合報道）
