武漢肺炎肆虐，口罩被搶購斷市，香港一罩難求，陳庭欣男友是彩豐行老闆Benny，昨晚陳庭欣在社交網貼男友在貨倉的相，指男友開OT準備口罩今日應市，助市民解困；然而，今早大批市民湧到各分店排隊，結果空手而回，有讀者更投訴口罩疑坐地起價。
開店不足半小時，口罩已沽清，店員叫頭50位登記，其他人士無得登記買口罩，很多市民鼓譟。
Toby早前在社交網發文宣傳，大晒男友親自落場點貨的照片
有大批買不到口罩的市民，更湧到陳庭欣的社交網圍剿，甚至爆粗狂插：「我X你老味，我蝴蝶分店排頭10，你夠膽同我冇貨扮有貨，每人買得15個，仲要賣成4個幾1個？我自己訂都唔使，你等執笠啦」、「而家香港咁嘅狀況，仲要玩香港人，你利用你嘅身份散播埋呢啲假消息，每間分行都冇貨，你邊Ｘ度補貨，冇咁大個頭戴咁大個頭盔，成班人6點起身陪你癲，以後都5會幫襯你」、「屯門華都得50盒，又一宣傳技倆，已blacklist 彩豐行」、「你身為藝人，話晒畀咁多人知你哋有口罩賣，會幫香港人！但原來係呃哂咁多人！」、「太過份，而家咁嘅境況，仲去浪費人哋嘅時間，排隊又聚集人群，有咩事你哋過意得去嗎?」
對於大批市民投訴，陳庭欣男友Benny回覆傳媒：
「大家好，對今早各店造成混亂和不便，衷心致歉。各同事現忙於處理協調中。農曆新年期間，人手及貨源實在非常短缺，包括包裝部、運輸部、分店員工等等，導致存貨不能提供到部份分店，所有防疫產品本身貨存數目非常有限，但我們都已盡力能將倉內所有現貨安排配分給大家購買；各種產品的價錢均如以住沒有改變。再一次為大家帶來的不便而作衷心致歉，我們會加緊努力去安排，製造各種消毒產品以及聯繫口罩供應商。繼續盡力為大家服務。」
（綜合報道）
