向來同家人感情要好嘅黃心美，近日同王貽興去咗斯德哥爾摩同倫敦拍攝節目，雖然佢似乎玩得好開心，又同妹妹Shirley異地約會，不過原來佢始終心繫香港，因為媽媽難得由溫哥華返咗嚟！
無奈心美忙住工作，冇乜時間陪媽媽。之前父親節，心美貼出同爸爸攬頭攬頸嘅相，今次佢就貼出同媽媽嘅合照，感嘆曾經多次叫對方回流返港，但佢都係鍾意留返喺溫哥華。
心美而家已經睇開咗，只希望媽媽健康快樂：「媽，啱啱同你facetime好開心呀。過去幾年因為好多理由成日叫你回流返香港…鍾意daddy有你陪, 鍾意你照顧得bacon同muffin好好，鍾意你煲嘅湯，鍾意你嘅笑聲，鍾意你喺身邊。不過我唔係你，我冇辦法感受到你喺溫哥華嘅快樂同喺香港嘅唔快樂。依家我會諗，或者俾你做你自己鍾意嘅事亦係孝順嘅一種。只要你健康快樂就好！真係好抱歉今次你返嚟香港我因為做嘢所以好少時間陪你。祝一路順風，唔好等到聖誕節先再返嚟呀！love you 」
（原文：SINA）
