剛宣佈結婚的何雁詩自稱由細到大好享受一個人去旅遊，從小父母就讓她獨自去飛，她說：「我阿爸阿媽當年搵師傅幫我改名時，就因為我條命係驛馬星動，成日會飛來飛去，所以我個名都有個雁字，入行都唔使再改。」
早前她就自己一個人飛去澳洲玩，她笑說：「我仲為咗慳番啲酒店錢，住喺架車度，我揸住架麵包車，去到營地有叉電位，喺車後面鋪張薄薄嘅被褥就瞓得，其實幾好玩㗎。」
對於獨遊會否讓未婚夫鄭俊弘擔心時，她笑說：「佢喺呢方面畀好多自由我，但我喺佢眼神見到好擔心，不過佢唔會講，佢識打功夫，所以佢會教我幾招傍身，好似點樣鎖頸，佢教我啲招唔係好用力嘅。」
早前，她亦公開了在旅遊途中，鄭俊弘向她求婚的緊張前夕，雖然整件事都是冧到爆，但難怪鄭俊弘當時會如此緊張和擔心啦，沒有多一點「強心臟」都相信難以令女朋友變成老婆了。
(綜合報導)
更多報導：
【全因為你】陳可辛罕有公開表白吳君如：我最重要的人 https://bit.ly/3at5Raz
【武漢肺炎】武漢15名醫務人員確診新型肺炎 累積已有4人死亡 https://bit.ly/2NNU2SK
【大肚寫真】臨盆前最後一影 楊思琦自然流露現美態 https://bit.ly/2uiueat
【搬得勁急】馮盈盈同居單位放租3萬3 連情侶物品冇攞走 https://bit.ly/37hxHVe
