「行姐」陳彥行一向都是出名的「狗痴」，本身飼養了多頭犬隻；然而她對其他小動物同樣有愛心，今日她在社交網上載了幾段短片，透露早前返大陸工作，驚見一隻啡色的兔仔即將成為美食的一幕。
行姐在社交網上寫下：「前陣子返大陸做嘢，喺一間農家菜館食午飯，見到呢隻大啡兔，知道佢將會成為餐桌上的食物，真係於心不忍，於是問個老闆娘隻兔點賣？佢話60蚊一斤，咁我話呢隻兔有幾斤啊？佢話有七斤 (我目測唔似有咁重囉）因為咁我就將隻兔改咗個名叫做『七斤』，最後同佢講吓價， 就用咗380人民幣買落嚟，跟住就送去啱啱新相識嘅內地朋友屋企暫住先。」
經歷過這件事後，行姐感到十分驚險，雖然多花了少少錢，但總算是能救回一條性命。
不過，由於行姐的朋友對飼養兔子沒有經驗，因餵食問題令「七斤」肚痾幾乎喪命，幸趕及往獸醫診所，現在已經過了危險期。
陳彥行其中一個貼文寫：「已替『七斤』找到了好人家了，『七斤』真有福氣，排除萬難終於能過上好日子了，祝福『七斤』永遠幸福快樂，感激為『七斤』付出過的每一位善長人翁。
(綜合報導)
更多報導：
【超爆笑】 新一代「東張女神」突入《愛回家》 網民激讚要求長駐！https://bit.ly/36DAvLU
【我真係好愛你】楊千嬅高空深情表白 丁子高感動流淚一路相伴 https://bit.ly/2FyBtxa
【青春叛逆期】13歲李嫣無視零度天氣 嫲嫲做攝影幫乖孫影街拍！https://bit.ly/2QXGRPU
【與網民連番駡戰】莊思明發長文鬧爆：事情唔係我想像中咁簡單！ https://bit.ly/304Z1TG
