【笑到四萬咁口】「黑妹」生日孫仔唔送飛吻 收到「現金」開心到暈

資深歌手「黑妹」李麗霞出席盆菜宴，契細佬李天翔亦有一同出席。提到今日是黑妹的60歲正日生日都要開工，她笑言：「有錢搵就開工，其實今日做善事，每年都好大型。（生日做善事特別開心？）係呀，因為好多老人家，其實我都係老人家，哈哈。」

問到生日怎樣慶祝？她表示早幾日已慶祝了，今日早上就與一班契細佬細妹一同行山和飲茶，包括天翔、張頴康、姜皓文等，又自爆一早起身見暈，笑言「開心到暈」。

記者一問到收到甚麼生日禮物？她即笑到合不攏嘴：「都係現金，其實我叫佢哋唔好買嘢畀我，好衷心多謝一班朋友，祝大家身體健康。」而兩個孫仔只送了句「婆婆生日快樂」，她笑言連錫都冇。

講到新年，她表示會與女兒、女婿及兩個孫去馬來西亞玩。她對於肺炎一事就說：「我過年後先去，同埋我哋都係廣東省，不過大家都要注意安全，我個女都買定晒口罩同噴霧搭飛機，乜都齊晒。」