前亞姐羅霖到尖沙咀出席化妝學校開幕活動，她透露剛剛才從杭州回港，但星期六就要到昆明工作，認真辛苦！
對於近日的內地肺炎疫情，她說：「擔心唔到太多，香港已經冇工開，如果連內地工作都唔做就冇嘢做，最重要增強自己抵抗力、多食維他命C同少到人多地方。（會避免去武漢？）暫時未有，都係去杭州、昆明、上海和內蒙，如果去武漢會視乎酬勞，多啲就會考慮，搵命博㗎！」
她又表示上月考了保險牌，表示18歲做空姐時已知道保險的重要性，現在會更為三個兒子保障將來：「我冇遺產畀佢哋，將來都唔諗住靠三個仔照顧，我一個人都可以有退休金生活。（碌友情卡開單？）我唔會向朋友hardsell，有需要朋友自然會揾我，而且保險計劃都有好多款。」
羅霖如此的「搵命博」，無非都是為了家中的三個兒子，作為單親媽媽的她，為了維持生計都相當痛苦，所以相信都會理解她什麼都要做的感覺了。
(綜合報導)
更多報導：
【靚女大晒】「最美周芷若」被稱為「靈魂畫手」 作品令人相當…驚嘆 https://bit.ly/2s0fUCx
【摺枱夾斃4嵗童 母忍痛認屍 抱緊兒子最愛毛公仔哭得肝腸寸斷】 https://bit.ly/2upBxx2
【發漲麵包】女星面腫腫晒自拍 粉絲只顧留言狂笑：你是誰啊？https://bit.ly/306YH7j
【豪擲千二萬作安胎】朱千雪被指身形圓潤疑造人成功 https://bit.ly/2SZySEE
