女士們為靚真係可以去到好盡，好似著高踭鞋咁，明明會搞到隻腳好傷好痛，但都一樣照著，仲要有咁高得咁高，好似愈高就愈靚咁，不過最近就有日本網民發現一對 90 度高踭鞋，唔知又有冇女士可以駕馭到呢？
最近有日本網民喺 Twitter上分享一對佢喺網上購物時見到嘅高踭鞋，呢對高踭鞋除咗夠晒高之外，腳指位同腳板更呈直角 90 度，非常誇張，見到咁嘅高踭鞋，呢位網民不禁思考究竟咩人先著得到呢？
相片流出後隨即引網民關注，唔少人發揮創意，瘋狂改圖，有人就諗到可以用呢對高踭鞋嚟做書架。根據相片顯示，呢對高踭鞋就賣緊 9,293 日元（折合約 660 港元），唔知女士們又會唔會有興趣一試呢？
(Sina)
