憑無綫大熱劇《金宵大廈》爆紅的李施嬅，獲網民封為「民間視后」，日前佢仲獲送上《萬千星輝頒獎典禮》視后小獎座，一班好姊妹當然替她高興，還齊齊約埋食飯gathering！
施嬅仲帶埋各個小獎座出席，即場大玩頒獎禮！
同樣因為《金宵》而首度入圍提名最佳女配角的趙希洛，就獲送上「女配角」獎座，但搞笑被好姊妹黃智雯以「癲婆」來形容！
而曾經攞過視后的胡定欣就笑言自己獲頒「飛躍進步女藝員」，即惹嚟從未得過此獎嘅施嬅搶獎，定欣即話：「你今年實有獎呀！」之後大家就笑言係「老飛躍」，場面非常搞笑！
不過好戲在後頭，當定欣放下獎座後，坐在另一邊的「三料視后」胡杏兒即時好醒目地話：「我知你哋要頒咩獎畀我……星（光）輝大獎」（萬千光輝演藝人大獎）而當接過這個頒獎禮中被指是最高榮譽的獎項後，胡杏兒即入戲地說：「呢個獎，實在太重喇！」笑死一衆網民！
當然啦，可以得到這個獎項的藝人個個都有番咁上下年紀，份量當然重啦！
