無綫上位小花馮盈盈今早宣佈與醫生男友分手，結束四年情，不少網民都替一對金童玉女可惜！
今日下午她現身電視城為劇集《逆天奇案》拜神，她穿上黑色窿窿衫現身，更大方地與拍檔張頴康合照。早前，盈盈於劇集《解決師》中與張頴康拍攝超激浴室親熱戲，盈盈男友更睇到「心靈創傷」。
相關新聞：
【為長期病患弟讀營養學】馮母入ICU 馮盈盈前度細心照顧一直陪伴 https://bit.ly/368Vo1B
【與馮盈盈大膽親熱戲】麥雅緻個心都唔舒服 張頴康：係會有影響 https://bit.ly/2SyJhXD
【分手早已有跡可尋】激吻戲令男友心靈受創 馮盈盈曾揚言「要跪玻璃」 https://bit.ly/2QsWMFu
有指分手導火線乃她與張頴康拍激情戲，盈盈卻否認說：「同工作上唔太大關係，佢一直支持我，多謝佢諒體同包容。（又傳你之前都係搶人男友？）我哋都有睇到呢個留言，都覺得好無稽之談，一笑置之。（會唔會假分手，低調處理感情？）又唔會，講得出好明確，冇隱瞞。」
今年6月她高調公開跟男友開始同居生活試婚，盈盈並自爆為了幫男友置業上車，竟瞞着父母出錢付首期，更不惜「無名」供樓。她謂對彼此關係相當有信心，已視對方為結婚對象，準備好做醫生夫人！可惜，這段情最終未能開花結果。
盈盈表示雙方已分別搬離愛巢：「呢個地方問題會有方案處理。（層樓會賣？）睇定啲先，好理智。（你哋一齊供？）呢啲比較深入問題。（層樓男友名喎！）有方案對大家都公平嘅。（覺得4年情可惜？）又唔覺得特別可惜同遺憾，呢4年一齊經歷同成長好多。」
說罷盈盈便忍不住流淚，要停頓片刻再續說：「呢幾年都係開心嘅，又冇話不捨，大家感恩呢4年時間，一齊扶持同成長，所以都會互相祝福，冇負面情緒喺入面，好感恩同幸福可以遇到佢。」
受訪時，馮盈盈更講到激動落淚，她說：「唔想再隱瞞大家，呢件事係雙方深思熟慮決定，喺12月發生，唔關第三者事。同居時有磨擦，相處容易但同住難！最舒服係做番朋友，大家已經搬離愛巢，再見亦是朋友，有公平嘅方案處理層樓。」
盈盈暗示兩人分手原因是由於同居問題引起，相處容易同住難~
相關新聞：
【為長期病患弟讀營養學】馮母入ICU 馮盈盈前度細心照顧一直陪伴 https://bit.ly/368Vo1B
【與馮盈盈大膽親熱戲】麥雅緻個心都唔舒服 張頴康：係會有影響 https://bit.ly/2SyJhXD
【分手早已有跡可尋】激吻戲令男友心靈受創 馮盈盈曾揚言「要跪玻璃」 https://bit.ly/2QsWMFu
（綜合報道 / on.cc）
