林文龍今日以候任亞視副總裁身份，一家三口到大埔出席亞姐總決賽。
現時林文龍由藝人身份一躍而成副總裁，要面對的挑戰並不少，而其中亞視曾傳財困，林文龍今日再派定心丸：「呢個大前題（解決財困）一定要啦，如果我上任，呢個內部問題都冇解決到啲話，咁我點上任呀？」，他強調大家可以不用擔心這個問題。
而今年4月他才為前公司拍攝新劇《那些我愛過的人》，突然遇上過檔一事，有傳該劇將在下年4月出街，林文龍大方表示可以會TVB做宣傳，不過要看他們的決定，自己作為演員並沒有「話事權」：「我其實覺得成個娛樂圈呢，大家應該係團結嘅，大家應該係百花齊放嘅。咁我之前幫佢拍落嘅嘢，如果佢有需要我幫手宣傳，我絕對願意配合嘅，咁我覺得其實就算大家係唔同公司，有好多嘢係可以交流囉。」
雖然現在自己的身份不同，但林文龍不擔心新劇會成倉底貨：「咁所以作為一個演員，我覺得呢樣嘢係被動嘅，你係唔會預計得到嘅，所以亦都唔需要擔心，只係做好自己嘅份內事，用一個平常心去睇就已經OK。」
而日前朱咪咪爆響口原來《陀槍師姐》會拍第五輯，林文龍在第四輯加入，今次開續集他就落閘拒絕：「就應該唔得喇，因為我上任咗之後，唔會有幾個月時間嚟拍，咁但係如果TVB會邀請嘅話，首先我會好感謝、好多謝。」
(綜合報導)
更多報導：
【《解決師》成導火綫!?】馮盈盈宣佈與醫生男友分手 https://bit.ly/2SCJedq
【一cut再cut】《文化廣場》走過24年難逃停播命運 朱翁鬧爆TVB：愈做愈衰 https://bit.ly/37mdNbj
【都係做生意好】碧咸嫂聖誕誓要破地獄稱號整甜品 最後都係靠阿仔…https://bit.ly/364Vt6o
【地位仲低過工人】準爸爸林子善停工為妻女：已經為老婆準備好一切 https://bit.ly/367sTkD
