現年38歲的韓國演歌歌手鄭美愛（音譯），昨日聯同宋佳人、洪子等女星，擔任KBS綜藝節目《Happy Together 4》的嘉賓，大談有份演出的節目《Miss Trot》。
鄭美愛婚後先後誕下兩女一子，提到去年底誕下第三胎後，未修身就要拍攝《Miss Trot》：「節目於今年2月開拍，細女剛剛出世兩個月，我仲未修身成功，當時達到85kg（約187磅），要喺海外購物網買XXL或XXXL嘅衫嚟着，真係肥咗好多。而家就瘦返，着到M碼嘅衫。」
鄭美愛又指之前孖男星盧洪哲演出另一節目時，對方曾稱她跟女星宋慧喬似樣，所以她一度被稱為「演歌界喬妹」，鄭美愛立即表示：「因為呢句說話收到好多惡評。」
而主持《Happy Together 4》的「國民MC」劉在錫則指，鄭美愛笑的時候，的確跟喬妹有少許相似，隨即令鄭美愛登上熱搜榜，引起網民熱議，有不少網民坦言：「雖然鄭美愛都靚，但真係唔似喬妹。」對於被指似喬妹而登上熱搜榜，鄭美愛今日受訪時笑言：「只係節目效果想講吓笑，希望大家見諒。」
大家覺得似唔似宋慧喬？
（綜合報道）
