歌手周柏豪初為人父，近日因《多功能老婆》一劇爆紅！他坦認當工作完成後都會心急趕回家見BB：「BB每日都改變緊，尋日可能識伸手摸嘢，第二日又唔知會做到嘢動作，我唔想錯過任何一個時刻。（變咗影相狂？）係呀，狂影，房一部相機、廳又一部相機，真係要㗎，當佢笑時仲邊衝得切出去廳攞相機呀，所以要放定喺到。」
柏豪稱待女兒再大一點，便會去影樓拍一張全家福，早在結婚時便總動員一家人及親戚來拍了一張超級全家福：「因為係好開心嘅事，我自己做幕前成日見到自己，但有啲老人家其實好想有張全家福，但佢哋又唔好意思出聲，又怕你後生唔得閒，又怕被話老土，但其實我自己好鍾意影相同全家福。」
「過埋農曆年，喺囡囡『一百日』嘅時間，都會請多啲親戚朋友嚟屋企睇BB，影相當然唔少得，囡囡又可以上逗利是，我都派咗3年，今年終於收番啲，幫補少少。」
