早前宣佈再度懷孕的楊思琦現身健康食品活動，身穿白色娃娃裝連身裙的她，仍踩4吋高踭鞋上陣，不過正面望落零孕味、四肢仍纖瘦，只是一側身企就現巨肚，肥肚唔肥人，果然得天獨厚！
即將做家姐的Krystal（楊卓穎）趁今日放假都有陪媽媽出活動，一見傳媒又唔怕陌生舉V影相，相當可愛！
思琦坐下受訪透露現正懷孕7個月，開始容易感到疲倦，故最近休息時間特別多：「一食完嘢，BB就好似提我要休息，每日最少午睡兩個鐘，所以都『進脹』好多。（你仲着咁高嘅高踭鞋？）行遠少少就未必得，依家個肚重咗，尾龍骨、膝頭都好易痛。（老公唔擔心？）OK嘅。」
老公臨瞓前會按摩紓緩？思琦指：「OK嘅！」隨即扯開話題冧指囡囡有幫手按摩：「真係好易抽筋，頻率都幾密，我一嗌痛都嚇親女女，但佢好乖、好懂事，會過嚟按摩。」
講到還有兩個多月便卸貨，思琦坦言開始唔捨得肚內有小生命好Miracle的感覺：「佢好鍾意踢吓郁吓，比起第一胎佢係活躍啲。」問到BB性別？
她再次大賣關子向大家說「遲啲先話你知」，及後又被問到是否開始買BB物品，思琦回答現在看BB床仔、其他用品，因為家姐當時的用品都送了給朋友，要重新買過！思琦說最近主要都是休息、睡覺、食。
（綜合報道）
