就在今年迅速結婚再誕一子的張致恒和老婆雯雯，如今又再宣佈再做爸爸，太太成功懷上了第二胎。
張致恒當時突然爆出閃婚，後來舊愛們站出來對他作出控訴，令他形象大插水，不單止影響自己的前途，還差點令好兄弟關智斌錯失了紅館夢。
張致恒現在稱自己已經改過自新，努力以老婆和囝囝為人生目標，要好好照顧妻兒，不斷在外找工作拼命賺錢。
日前雯雯又在社交平台上更新，她上載了寶寶超聲波照片，只見寶寶相當活潑，她配文：「雖然路唔易行，但感恩上天再一次賜我哋一份咁寶貴嘅禮物，我哋會用一生去守護和保護呢個家庭。」；張致恒則表示：「好期待啊，一照佢就喺度跳舞畀我睇。」
張致恒見老婆佗B情況穩定，昨晚就帶妻兒到中環嘉年華享受家庭樂，輕鬆一下，雯雯更上載了出老公玩遊戲贏來的禮物：「爸爸戰利品，好彩我都有贏隻細胡迪畀個仔。」
(綜合報導)
更多報導：
【做老竇仲過癮！】為準備未來最大工作 準爸爸林子善毅然離開不再「大想頭」https://bit.ly/38NCUoK
【溫馨一家】向華強71歲生日剛入門郭碧婷好識做 成功冧掂老爺奶奶 https://bit.ly/2tq690U
【暫時唔可以幫個仔沖涼】張晉首次帶仔仔出街：似打仗 https://bit.ly/2PQnesp
【請祝福我】陳慧敏百日挑戰譜戀曲 認愛土耳其背包客身家只得4萬蚊 https://bit.ly/34o4yFC
