組合農夫成員C君與電台DJ黃天頤假四季酒店舉行婚禮，於傍晚，一對新人出來見記者，C君身穿灰色西裝配波鞋，天頤就穿上白色低胸婚紗微露線頭，二人應記者要求錫了兩次，但十分怕醜，而最大方的是晒婚戒！
C君解釋：「我單戀咗我老婆十幾年，最終都可以拍到拖，冇理由咁快諗分手㗎嘛，梗係想開花結果…」他又坦言想結婚是因為找到一個伴侶可以相處得來，對方又不會為自己帶來不開心。
問兩人從來沒吵架？太太天頤回答：「籌備婚事就冇嗌過交，但平時都有。」C君笑言：「如果平時都咁相敬如賓就好悶囉！」
相關新聞：【視后做大妗姐】C君愛的宣言勁感動：天頤婚前一直都唔畀我叫老婆 https://bit.ly/2Eerdto
好兄弟兼好拍檔陸永表示C君的婚禮好破格，竟然搵唐詩詠做大妗姐，詩詠笑說：「佢兩公婆好有勇氣。」
陸永解譯因為黃翠如已做兄弟，不想太多女人做兄弟，而姊妹團又滿額…
但詩詠在朋友圈子地位確實好重要，惟有安排她做大妗姐，陸永仲讚詩詠做得好好，好快上手，詩詠即大呻說：「都好難做，好驚，又要睇又要背吉利說話，啲說話難背過拍劇台詞，最驚講錯親戚名，加上啲字又要押韻，啲兄弟又唔易服侍，所以搞到我好驚。」
（綜合報道）
