藝人陳淑蘭（蘭子）罕有現身出席動畫片慈善首映禮，同時她亦是為動畫聲演巫婆一角，雖然好友黃百鳴都有參與其中，但並沒有「對手戲」，蘭子笑言自從在27年前的《家有囍事》後二人就再沒有合作過…
「男人係Keep得住，依然咁正，以前就有機會做百鳴哥嘅小三（演戲），我諗下次有機會就做佢阿媽。（今次冇合作差咁啲嘢？）都會，所以快啲搵百鳴哥再續前緣，都有興趣再合作，但佢真係仲Keep到好後生。」
又被問到是否願意再演金絲雀，她說：「我肯呀！好多後生見到我都話認得我，仲叫我碌一次畀佢睇，碌咩先？碌落樓梯？碌床？我啲骨頭唔得喇！」
蘭子慨嘆現時體力大不如前，即使有電影邀請演出都會再為考慮，並自爆有風濕：「我又唔好意思同人講，遮當拐杖咁用真係可以支撐到啲力，我啲骨頭一到打風落雨都痛，勁過天文台，有時連工都返唔到。」
雖然蘭子自爆身體差了很多，但近鏡望上去，五官和輪廓都Keep得好好…
（綜合報道）
