李思欣和范振鋒轉眼結婚8周年，理應高高興興過「銅婚」，但思欣昨晚卻在社交網貼入院相片，她留言：「估唔到結婚8周年會喺醫院過…辛苦你了，陪伴是最好的禮物。」
雖然不幸患病住院，但有老公貼心陪伴，相中二人手牽手，十分恩愛。思欣大前晚亦貼出在郵輪上夫妻檔做司儀，兩日一夜，當時見她做騷還是精神奕奕，估不到晚上完騷便打敗仗。
有傳媒致電李思欣問候，她說：「大前晚喺郵輪做完嘢，仲慶功，右腰後面痛到好緊要，最初以為抽筋，入咗船嘅急症室，我都驚撐唔到，因為架船喺公海，船上冇相關儀器，噚日朝早落船即刻入咗醫院，醫生懷疑我生腎石，開咗止痛藥畀我，周日醫院安排唔到照CT（電腦掃描），今朝先照。」
醫生看完報告，思欣續說報告指有腎石，但不算大粒，醫生指有兩個方案：飲多點水沖淡或者做手術打散它們。思欣說選擇揀飲大量水沖淡腎石：「我平時真係飲太少水，真係要飲番八杯。」
（綜合報道）
