昨日歌手周柏豪秘密榮升人父，誕下6.7磅小公主。初爲人父的他接受訪問時感到非常開心和興奮…
雖然柏豪對私人生活一向好低調，但今次他喜得女兒，大方接受訪問︰「有入產房陪太太，先知道女人好堅強，以為自己handle到，點知十秒就喊，反而太太叫我堅強啲，唔好嚇親啲醫生同護士，過程好感動。」
他又自爆望住BB「不眨眼」，他笑說︰「望住BB幾秒，轉個頭又好似冇望好耐咁，中間其實隔幾秒，又要望。另一樣改變係以前鍾意深色衫，個女出世之後，幫佢揀晒啲衫都係粉紅、粉藍，屋企衣櫃都係粉紅色，費事嚇親佢。」
他更透露太太是12月2日剖腹生產，過兩天便出院，他說：「不過囡囡仲未改名，會計時辰八字等師傅改。（囡囡似邊個？）似我，個嘴有個啄，似我咁多口。啲人話通常女仔最鍾意蝦爸爸，希望個女大過咗係一個有家教嘅女仔，唔好蝦爸爸啦。」
至於如何獎勵太太？他說：「一路都獎勵緊，咩都畀晒佢，樓又好，身家又好，全部都畀晒佢，佢開心就得啦。」
相關新聞:
【拍拖10年 秘密結婚秘密誕女】周柏豪榮升人父：BB開心健康就好滿足 https://bit.ly/35WJffm
(綜合報道)
