黃心穎在今年4月被爆出人夫許志安「安心偷食」，事業與形象一鋪清袋，有份參與的劇集亦遭牽連，統統被抽甚至換角重拍，復出無期。直到10月，心穎有份參與的《牛下女高音》竟然可以解禁，而且更成為今年的台慶劇，幸好播映後一直反應不俗。
消失7個月的心穎亦二度更新IG，感謝同事的體諒，未知是否這關係，《堅離地愛堅離地》與《丫鬟大聯盟》亦同樣在海外得到解禁，《堅》目前在馬來西亞的Astro AOD播放中，《丫鬟大聯盟》將會緊接其後於12月16日播出。
繼《牛下》可以在香港播出後，她與洪永城和湯洛雯合作的《丫鬟大聯盟》，在維基顯示亦將於明年1月初安排在香港播出，本來這套劇是安排在去年賀歲檔播出，但無綫當時見《延禧攻略》收得，希望食住個勢，立即改播《皓鑭傳》，想不到發生了「安心偷食」，結果一度被禁播。
與心穎有大量對手戲的湯洛雯，得知《丫》劇就啓播表現甚爲興奮，她說：「都好開心，因為台前幕後都好畀心機拍，同埋好耐冇睇過自己演古裝，想睇吓出嚟效果係點。（唔使刪剪？）本身都係得15集，雖然依家拍緊新劇《失憶24小時》，但到時我應該得閒嘅，會幫手宣傳㗎！」
（綜合報道）
