剛剛再度榮升爸爸的藝人張晉出席活動，對於細仔樂兒已出世半個月，張晉透露老婆蔡少芬雖然辛苦，但相當享受湊仔樂，皆因今世應再不會有這些機會，問到可有與老婆爭湊仔？
他笑說：「唔使，佢都要我幫，呢個BB成日瞓，有時老婆餵餵吓奶BB瞓咗，都叫我幫手拍醒佢，點知到我手抱瞓得仲甜，總之沖涼同換片我做，老婆坐月唔掂生水。」
張晉當時負責親手剪臍帶，相信至今感受仍歷歷在目
張晉透露兩個女兒也會幫手遞毛巾及尿片：「見佢哋真心錫弟弟，又咀又攬，相親相愛。」
更指仔仔樣貌跟他兒時很相似，老婆Ada亦笑指抱住他如同望住兒時的張晉。
談到家中再添成員，是否要再換大屋？張晉笑說：「買得起先算，依家間屋舒服就OK，兩個女成日要瞓埋一張床，我又唔鍾意搬，係老婆鍾意新鮮感先鍾意搬屋。（老婆有1.5億資產？）我唔知，我真係唔知。（佢守財？）持家有道，應使則使係優點，娶到呢啲老婆真係三生有幸。」
（綜合報道 / on.cc）
