藝人黃建東最近與媽媽一起出席無綫節目《流行經典50年》錄影，透露將會母子檔上陣，自彈自唱之餘，母親則充當舞伴一起表演探戈，他說：「媽咪第一次上電視，記得佢8年前喺1廠睇我參加香港先生，當時陳敏之仲係司儀，估唔到有機會一齊上台，我哋都練咗成個月。」更指舞蹈中需抱起母親，事前已被叮囑不要甩手。
東東不諱言演出前夕已經好緊張，兩人也沒胃口食飯，是日亦一早到場綵排，務求演出順利。
對於母親穿低胸舞衣，盡現豐滿上圍，東東也忍不住取笑一番：「啲朋友睇完媽咪着條裙嘅相，都話知我點解咁好營養。」
兩母子笑容一致，原來都好似樣！今日黃媽媽穿得好高貴，於現場頗爲吸睛！
黃建東與媽媽母子關係良好，一有時間就會陪伴媽媽…
(綜合報道 / on.cc)
