歌手鄭俊弘（Fred）最近36歲生日，歌迷會筵開20多席為他慶生，母親也有到場，而剛巧這天是鄭媽媽的農曆生日，所以Fred反為母親送上生日蛋糕又錫她臉頰祝賀。
錫一錫媽咪先~~
他稱這2天和女友何雁詩（Stephanie）、朋友、家人食飯慶祝。問到女友送了甚麼生日禮物？他笑言：「冇喎！」
星夢老闆何哲圖亦在場，鄭媽媽高貴又靚女，吸引了不少眾人目光！小編最初亦以爲她是Fred的姐姐 ！哈哈~
原來女友生日時他都沒有送禮，他稱：「冇所謂啦，我都冇送畀佢。（佢送咗成個人畀你？）都係呀，我哋情人節都冇送禮物，冇所謂，我哋都鍾意簡單。」而Fred稱生日飯有親自下廚。問到Stephanie是女主人家身份？他笑謂：「係呀，佢負責招呼朋友，我負責煮，佢平時都有煮嘅，佢廚藝都犀利㗎。」
至於生日願望，Fred希望開心、健康和平安，做好自己的工作，拍多些廣告，明年亦會拍新劇。生日願望可包括人生大事？Fred笑說：「又唔會冇計劃，但就未知幾時，希望40歲前啦。（女友等唔等得，要唔要雪卵？）咁又唔使，佢仲好後生啫，可能雪我嗰啲（精子），不過我都後生，keep住做運動就可以。」
（綜合報道 / on.cc）
