藝人陳百祥（阿叻）同老婆黃杏秀一向恩愛如昔，今年二人結婚40周年，特意設宴邀請好友一齊慶祝「紅寶石婚」，包括李克勤、苗僑偉（三哥）、汪明荃、鄺美雲、米雪、衛志豪等，場面熱鬧。
當晚李克勤同阿叻上台高歌一番，而三哥更孖住鄺美雲席上合唱，非常盡興。
現場仲預備咗兩大個蛋糕慶祝，相信阿叻同叻嫂今年嘅結婚周年紀念一定過得好難忘！
多年前叻哥被問及夫妻相處之道，他笑說：「我就是追緊一點，我們還是在熱戀中!兩人相處是要信任和合得來，並不是為一紙婚書，而我很幸運地遇到一個肯忍受我的女人。」
叻哥續說：「雖然我當年沒錢、沒勢，但她當年是第一女主角呀！我跟她是由零開始，兩人共患難也共富貴，自己的衝動和不理性，是靠她引導而走入正軌。」
問陳百祥是否是心目中理想丈夫，秀姑說：「沒想過心目中有個怎樣的老公，因為沒有要求。」
叻哥稱兩人共同經歷最壞的事，就是當年秀姑得了重病，在三個月內開刀六次，體重急跌近40磅。由於之前治療不及時，亦導致秀姑終身不育。
當時叻哥還流淚做好將要分開的準備，幸好最終平安無事。
秀姑曾透露不育情況，她稱當時忙於拍劇，肚痛去看醫生，懷疑是腹膜炎同婦科病，但當時她在拍攝《十三妹》，好像不太痛所以有理會，怎料拍劇後又再痛，再去看婦科時，就檢查到左腹有個大過雞蛋的瘤，因為害怕它是惡性腫瘤，所以要開刀。
秀姑說入手術室時，叻哥好驚爆喊:「佢成個騰晒，我諗好多人未見過佢喊。我見佢隻手震晒，雖然好驚，不過見到佢咁樣自己都有啲感動!」
至於爲何會不育，秀姑說：「醫生話劏開至知成個下腹已經發炎含膿，醫生幫我攞(內臟)出嚟洗乾淨再收番入去，佢話我唔死得算大命。其實當時我下半身有好多個器官已經受感染含晒膿，當中包括一邊輸卵管同一邊卵巢，我休養足足三個月先出得院。醫生話有仔女嘅機會好微。」
秀姑說老公見她完成這個大手術，就算有醫生介紹生BB，都不想秀姑再搵命搏，故此決定選擇不要小朋友。
(綜合報道)
