育有一仔一女靚媽鍾嘉欣近日飛咗去馬來西亞工作，仲好感謝一班粉絲依然支持自己。
嘉欣仲食咗當地美食添，大叫好味道！
難得見到偶像，馬來西亞粉絲都預備咗好多心意禮物，其中有粉絲送咗鍾嘉欣一家四口嘅繪畫圖，最搞笑係畫中佢着上足球衫。
咦？似乎有啲意思喎！難怪佢都話：「只要看到我開心，你們就開心。我的粉絲團隊。多謝你們的禮物。太有愛了！P.S.你地（哋）唔係暗示叫我生隊足球隊啊？」
而好友陳敏之留言：「要啦！」不過鍾嘉欣就叫陳敏之生先，真係搞笑！
嘉欣七月來港出席活動時提到自己兩個夠曬數，要封肚喇！唔知今次收到粉絲嘅呢份禮物會唔會有所該改變呢？
（綜合報道）
