藝人鍾慧冰去年底因免疫系統出問題，經確診為「脈管炎」即全身血管發炎，病況與今年初同樣因免疫系統出問題而患「皮肌炎」病逝的魯芬同出一徹，因而警醒鍾慧冰要小心處理，花六位數字金錢，經大半年的中、西合壁治療後，健康恢愎八成，準備復出為奇妙電視《娛樂巴巴閉》錄影。
食足4個月類固醇
去年十月鍾慧冰突然手腳發軟跌低，初以為中風而被送入院，惟完成各樣磁力共振等檢查，確診為「脈管炎」即全身血管發炎，導致手腳神經不停受攻擊，嚴重可致癱瘓！當時留院的冰姐為此諗過尋死，她接受訪問不禁落淚：「如果癱嘅話，我就第一時間跳落去！我唔想拖累家人，亦要活得有尊嚴，不過我個女都好鼓勵我，令我有番求生意志！」冰姐表示，她出院後一直服用類固醇達四個月，藥物副作用令面容腫脹尤如「象人」，向來愛打扮的冰姐為此而不敢見人，故年初原要接拍的奇妙電視開台節目《帶阿媽去旅行》都推卻，專心醫病。
大嗌有排玩！
完成服類固醇後，冰姐稱手腳神經停止受攻擊，但都軟弱無力要撐拐杖行路，她一拐一拐到醫館接受燒艾灸治療。冰姐稱今次面對病魔可謂大步檻過：「捱過呢關我有排玩！而且我喺病期間我試盡各種醫療方法，有自然療法、學八段錦、做運動和戒食紅肉改食糙米，機緣巧合早排又遇上一位舊朋友，接受佢研發嘅人體密碼療法，以燒艾灸嚟治療發炎、止痛，我每個月返醫院檢查，依家體內發炎指數係零。」
(東方日報)
