育有二仔一女的44嵗藝人鄺文珣，早前挑戰自己，與老公二拖三去澳洲享天倫，亦是其兩歲細女第一次外遊。
她說：「亦係第一次咁長途而冇帶工人姐姐同行，自己都覺得好醜，外國人都唔用工人，覺得自己好軟弱，去10日旅行都叫辛苦，不過畀小朋友知道唔係成日都有工人幫都好嘅，同埋今次同行Auntie都讚兩個哥哥好識照顧自己，我真係好驚訝，因為屋企唔係咁，我永遠見唔到佢哋乖，淨係聽人哋講佢乖。」
她又讚老公好幫手，指老公做清潔乾淨過她。她表示因為要努力工作，揚言要封肚。
細女Chesney話咁快就已經2歲喇！
May日前為Chesney舉行生日會，於社交網晒出多張照片，一家五口相當幸福，Chesney同兩個哥哥影相時露出驚訝表情，非常搞笑！
仲遺傳父母優良基因，愈大愈靚女，有雙大眼睛！
媽媽May好感性話：「還記得您的一歲粉色生日派對，就像昨天一樣，當時你什（甚）麼都不懂！ 今天，您已經知道如何吹蠟燭，並且知道這是您的生日聚會。時光飛逝！爸爸媽媽的使命是盡力地裝備你們，希望有一天你們能擁有足夠的內在條件可以獨立離開我們，這是一個非常矛盾的感受，也只有父母才能夠明白。#盼望你們有一個快樂的童年」
(IG / 綜合報道)
