【爸爸全程傍住仔仔Rafael】鄭嘉穎陳凱琳一家三口第一次！

藝人鄭嘉穎經常同老婆陳凱琳（Grace）及囝囝Rafael一家三口周圍去，繼上月去完泰國冇耐，最近佢哋又去到新加坡享受天倫之樂！

鄭嘉穎喺社交網大晒一家三口游水相，並留言：「第一次一家人一齊來新加坡！Rafa time」相中見Rafael着上長䄂泳衣、坐住小水泡，慢慢咁游向爸爸，而鄭嘉穎就全程傍到實，仲冧滋滋咁望住囝囝，畫面非常溫馨。

另一張相就見Grace抱起囝囝，不過只見Grace嘅背面，即令唔少網民都留言跪求佢嘅泳裝正面照，唔知會唔會公開派福利呢？

(綜合報道 / on.cc)