藝人朱茵日前48歲生日，日前她就在印尼峇里島工作的時候，就獲工作人員貼心地準備驚喜！
見到房入面擺咗唔少氣球裝飾，相當有氣氛，還有個印有朱茵靚相的蛋糕！而令朱茵最開心的是相信就是老公黃貫中同阿女黃鶯「空降」現場。
事關工作人員準備為她兩個的紙版公仔，令他們可以一家三口合照。工作人員爆料話朱茵在生日會上語無論次，未知是否因為太驚喜呢？
思鄉心切的朱茵坦言：「好掛住老公同個女，呢個係我今年第二個生日會，第一個生日會佢哋已經出席唔到，今次佢哋又唔喺我身邊。」
她更一時感觸隔住鏡頭向老公同寶貝女示愛：「老公好掛住你呀，多謝你同寶貝女畀我嘅愛，帶畀我好大嘅庇護，同時亦畀咗一個家我。」
好彩最後朱茵都趕得切在生日前返到香港，可以同家人慶祝生日。
然而，生日禮物方面，朱茵透露早前去歐洲工作時已經揀咗份禮物畀自己：「呢份禮物我當係老公送畀我，至於阿女喺我每次出埠前都會畫幅畫送畀我，呢啲咁珍貴嘅禮物，我會有個寶箱放晒阿女啲畫，同埋老公送畀我嘅情書！」
此外，好友陳法蓉亦在微博發文為朱茵賀壽：「在這個特别的日子裏，送上我衷心的祝福！茵茵@朱茵 ～生日快樂🎂！」認真Sweet！
(綜合報導/on.cc)
