陳山聰與姚子羚近日在西貢為劇集《大步走》拍攝咀戲，兩人拍攝咀戲先後咀了三次就完成，相當快手及準確，默契十足。
與姚子羚情同手足的陳山聰笑說：「同子羚拍咀戲梗係冇問題啦，第二個可能會驚尷尬，同子羚就冇嘢，今日依啲好輕鬆啦，我哋最激嘅都試過晒。」
姚子羚與陳山聰合作多套劇包括《同盟》、《唐人街》及《大步走》也有咀戲，駕輕就熟。
她笑說：「我哋直情咀到爛，不過，次次嘅咀法都唔同嘅，陳山聰可以話喺TVB裏面任我魚肉嘅人，咀戲、打戲都係，唔使驚佢嬲。」
陳山聰笑說：「之前拍廠景，佢成個手袋擲埋嚟，排嗰陣唔係咁，大家都拍到收放自如，出嚟效果好自然。」
(綜合報導/on.cc)
