熊黛林（Lynn）早前跟老公郭可頌撇甩孖女Lyvia及Kaylor，拍拖遊瑞士，慶祝她39歲生日，近日已返港投入工作。
最近Lynn出席醫美概念店開幕活動，問到老公有否送上生日驚喜？
她說：「生日前一日返到酒店房見到有花有香檳，老公以為我識穿咗，佢要同我慶祝生日。其實我當時實在太攰，個人懵懵哋，完全唔知發生乜事；正日生日就同一班朋友食飯慶祝，突然有人送上蛋糕，好驚喜。」
Lynn育有一對雙胞胎：姐姐Kaylor（右）和妹妹Lyvia（左）
熊黛林又自爆孖女送了一份「厚禮」給她，Lynn隨即說：「有日阿妹做錯事，我就話咗佢兩句，家姐聽到以為我鬧阿妹，走過嚟打咗我一巴，之後我問家姐點解打我，阿妹見到以為我鬧家姐，又學家姐打咗我一巴。」
孖女出世後兩個人一條心，不知道雙胞胎是否真的有心靈相通這回事呢？
（綜合報道）
